پٹیالہ(نیوز ڈیسک ) بھارتی ریاست پنجاب کے علاقے پٹیالہ میں احتجاجی مارچ میں شریک ایک اور بھارتی کسان کی موت ہو گئی جس سے ایک ماہ سے بھی کم عرصے میں مرنے والے کسانوں کی تعداد سات ہو گئی۔
کشمیر میڈیا سروس کے مطابق ہلاک ہونے والاکسان جس کی شناخت بلدیو سنگھ کے نام سے ہوئی ہے، سانس کی تکلیف کے باعث پٹیالہ شہر کے راجندرا ہسپتال میں زیر علاج تھا۔بی جے پی کی کسان دشمن پالیسیوں کے خلاف اور اپنے مطالبات پر زوردینے کے لئے کسانوں کے احتجاجی مظاہروں کے دوران گزشتہ 26 دنوں میں سات کسان اپنی زندگیوں سے ہاتھ دھو بیٹھے ہیں۔
دریں اثناء ہریانہ کے علاقے مسانی کے قریب ریواڑی-دہلی روڈ پر ایک علیحدہ واقعے میں دو کاروں کوپیش آنے والے حادثے میں چھ افراد ہلاک اور سات دیگر زخمی ہوگئے۔