اسلام آباد(نیوز ڈیسک ) بھارتی فضائیہ کا تیجس(Tejas) طیارہ مشق کے دوران گر کر تباہ ہوگیا۔ بھارتی فضائیہ میں جہازوں کی تباہی اب روز کا معمول بن گئی ہے، بھارتی ریاست راجستھان کے علاقے پھوکراں میں بھارتی فوج کی جاری ”بھارت شکتی“ مشقوں کے دوران فضائیہ کا تیجس(Tejas) طیارہ گر کر تباہ ہوا۔
حادثے کے دوران پائلٹ جہاز کے تباہ ہونے سے قبل پیرا شوٹ کے ذریعے جہاز سے نکلنے میں کامیاب ہوگیا جس سے جانی نقصان ہونے سے بچ گیا۔
یاد رہے گزشتہ سال بھی راجستھان میں بھارتی فضائیہ کا لڑاکا طیارہ مشق کے دوران گر کر تباہ ہو گیا تھا، جولائی 2022 ء میں بھارتی فضائیہ کا لڑاکا طیارہ تباہ ہونے سے دو افراد ہلاک ہو گئے تھے۔
علاوہ ازیں کچھ عرصہ قبل بھارتی فضائیہ کے بڑھتے ہوئے فضائی حادثوں کے بعد ان کے جہازوں کو ”اڑتے تابوت“ کا نام دیا گیا تھا تیجس(Tejas) طیارے کے تباہ ہونے کے بعد ایک بار پھربھارتی فضائیہ کی نااہلی دنیا پر عیاں ہو چکی ہے۔
