جموں (نیوز ڈیسک ) غیر قانونی طورپر بھارت کے زیر قبضہ جموں و کشمیر میں عیدالفطر کے موقع پر جموں خطے کے ضلع بھدرواہ میں اسلام کا سبز ہلالی پرچم لہرایا گیا اور تحریک آزادی کشمیر کے ساتھ کھڑے رہنے کا تجدید عہد کیاگیا۔
لوگوں کی بڑی تعداد نے تقریب میں شرکت کی اوربھدوارہ کے معروف شاعر عبدالرحمن دیوانہ کا مشہورِ زمانہ ترانہ ”عالم اسلام کی ہر فوج کا جھنڈا ہے تو” پڑھا اور اجتماعی دعا کی ۔ ضلع ڈوڈہ ،رامبن شہر اور دیگرعلاقوں میں بھی اسی طرح کی تقاریب کا انعقاد کیاگیا ۔ واضح رہے کہ جموں خطے کی وادی چناب میں پرچم کشائی کی یہ تقاریب ہر سال عیدین کے موقع پر ہر بڑی جامع مساجد اور عیدگاہوں میں منعقد کی جاتی ہیں جن میں کشمیری مسلمان اسلام و آزادی کی تحریک کے ساتھ کھڑے رہنے کا تجدیدعہد کرتے ہیں۔
