سرینگر 25جولائی (نیوز ڈیسک )غیر قانونی طور پر بھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران ضلع سانبہ میں ایک اور کشمیری نوجوان کو شہید کردیا ہے ۔
بھارتی بارڈر سیکورٹی فورس کے اہلکاروں نے نوجوان کو پیر کی شب ضلع کے علاقے رام گڑھ میں شہید کیا۔ بی ایس ایف جموں کے ایک عہدیدار نے میڈیا کو بتایا ہے کہ رام گڑھ میں تلاشی کی کارروائی کے دوران ایک کشمیری کو گولی مارکر قتل کر دیاگیا ہے ۔
ادھر قابض حکام نے بتایا ہے کہ جموں شہر کے قلب میں واقع کچی چھائونی کے علاقے میں دھماکے کی آواز سنی گئی ہے۔ تاہم فوری طورپرکسی جانی یامالی نقصان کی کوئی اطلاع نہیں ملی ۔ پولیس کی ایک پارٹی نے جائے وقوعہ پر پہنچ کر تحقیقات شروع کردی ہیں۔
