سرینگر (نیوز ڈیسک )بھارت کے غیر قانونی زیر قبضہ جموں وکشمیر میں بھارتی پولیس نے آج ضلع کولگام میں ایک پی ایچ ڈی سکالر کو من گھڑت اور جھوٹے الزام میں گرفتار کر لیا ۔
کشمیر میڈیاسروس پی ایچ ڈی سکار کو ایک عسکری تنظیم کیلئے کام کرنے کے مضحکہ خیز الزام میں گرفتار کیا گیا۔ پولیس نے اسی الزام میں مزید دو نوجوانوں کو بھی گرفتار کرلیا۔پولیس نے اپنے ایک ٹویٹ میں پی ایچ ڈی سکالر کی گرفتاری کی تصدیق کرتے ہوئے کہا ہے گرفتار سکالر نے پوچھ گچھ کے دوران اپنا کوڈ نام ڈاکٹر سبیل بتایا ہے۔
No one should ever be wrongfully deprived of their rights to liberty and freedom without just cause, yet since abrogation of article 370 by India in occupied Kashmir, thousands of people have been wrongfully convicted and sentenced to far away prisons. #FreeAalaFazli pic.twitter.com/1vHl4mj1Dw
— Stevie Madden (@Steeveemaden) July 25, 2023
یاد رہے کہ بھارتی پولیس نے اپریل 2022 میں کشمیر یونیورسٹی کے ایک پی ایچ ڈی اسکالرعبدالاعلیٰ فاضلی کو گرفتار کیا تھا۔ سرینگر کے رہائشی عبدالاعلیٰ فاضلی کو ”غلامی کی زنجیریں ٹوٹیں گی“ کے عنوان سے ایک مضمون لکھنے کی پاداش میں گرفتار کیا گیا تھا جو 2011میں نیوز پورٹل ”کشمیر والا“ میں شائع ہوا تھا۔ پولیس نے قبل ازیں کشمیر والا کے ایڈیٹر فہد شاہ کو بھی گرفتار کیا تھا۔عبدالاعلیٰ فاضلی اور فہد شاہ تاحال بند ہیں۔
