سرینگر (نیوز ڈیسک )بھارت کے غیر قانونی زیر قبضہ جموں و کشمیر میں’جموں وکشمیر لبریشن فرنٹ‘ نے کنٹرول لائن کے دونوں جانب کشمیریوں سے پیل کی ہے کہ وہ اگست2019کے غیر قانونی بھارتی اقدامات اور محمد یاسین ملک کو سیاسی انتقام کا نشانہ بنانے کے خلاف 5اگست کومشترکہ احتجاج کریں۔
کشمیر میڈیا سروس کے مطابق لبریشن فرنٹ نے سرینگر میں جاری ایک بیان میں برطانیہ میں مقیم کشمیریوں کیطرف سے 5 اگست کو لندن میں مشترکہ احتجاجی ریلی نکالنے کی کال کا خیر مقدم کرتے ہوئے اسے ایک اچھا اقدام قرار دیا۔ بیان میںبھارت کے غیر قانونی زیر قبضہ جموںوکشمیر میں اس روز مکمل ہڑتال کرنے کا بھی مطالبہ کیا گیا ۔
بیان میں کہا گیا کہ بھارت جموں وکشمیر لبریشن فرنٹ کے چیئرمین محمد یاسین ملک کو ایک جھوٹے مقدمے میں عمر قید کی سزا سنانے کے بعد انہیں سزائے مو ت دینے پر تلی ہوا ہے۔تنظیم نے انسانی حقوق کے عالمی اداروںپر زور دیا کہ وہ محمد یاسین کی رہائی کیلئے بھارت پردباؤ ڈالیں۔