سرینگر2 اگست (نیوز ڈیسک )بھارت کے غیر قانونی زیر قبضہ جموں و کشمیر میں بھارتی فوجیوں نے بارہمولہ قصبے سے دو نوجوانوں کو گرفتار کر لیا۔
کشمیر میڈیا سروس کے مطابق فوجیوں اور پیرا ملٹری اہلکاروں نے نوجوانوں کو قصبے کے علاقے آزاد گنج میں محاصرے اور تلاشی کی کارروائی کے دوران گرفتار کیا۔
بھارتی پولیس کے ایک افسر نے کہا کہ ان نوجوانوں کو ایک ناکے پر گرفتار کیا گیا۔ افسر نے دعویٰ کیا کہ یہ نوجوان آزاد گنج کی طرف آرہے ہیں کہ انہوں نے ناکہ دیکھ کر فرار ہونے کی کوشش کی تاہم انہیں پکڑ لیا گیا۔ انہوںنے کہا کہ گرفتار نوجوانوں کے خلاف بارہمولہ تھانے میں غیر قانونی سرگرمیوں کی روک تھام کے کالے قانون یو اے پی اے کے تحت مقدمہ درج تھا۔