سرینگر03 اگست (نیوز ڈیسک )بھارت کے غیر قانونی زیر قبضہ جموں وکشمیر میں کمیونسٹ پارٹی آف انڈیا( مارکسسٹ) کے سینئر رہنما محمد یوسف تاریگامی نے امید ظاہر کی ہے کہ بھارتی سپریم کورٹ کشمیریوں کو انصاف فراہم کرے گی۔
کشمیر میڈیا سروس کے مطابق بھارتی سپریم کورٹ کے 5 رکنی بینچ نے دفعہ 370 کی منسوخی کے خلاف دائر درخواستوں کی سماعت گزشتہ روز سے شروع کر دی ہے۔بدھ کے روز سے شروع ہونے والی سماعت روزانہ کی بنیاد پر ہو گی ۔ محمد یوسف تاریگامی نے کہا کہ یہ اچھی بات ہے کہ سپریم کورٹ نے درخواستوں کی سماعت کا آغاز کر دیا ہے اور مجھے امید ہے کہ عدالت عظمیٰ جموںوکشمیر کے لوگوں کو انصاف فراہم کرے گی۔یاد رہے کہ نریندر مودی کی ہندو توا بھارتی حکومت نے 5اگست2019کو بھارتی آئین کی دفعات370اور35اے منسوخی کر کے مقبوضہ جموں وکشمیر کی خصوصی حیثیت ختم کر دی تھی۔