سرینگر 10اگست (نیوز ڈیسک )غیر قانونی طور پر بھارت کے زیر قبضہ جموں و کشمیر میں دو الگ الگ حادثات میں 2 بھارتی فوجی ہلاک ہو گئے ہیں۔
کشمیر میڈیا سروس کے مطابق بھارتی سینٹرل ریزرو پولیس فورس کا ایک اہلکار رویندر کمار جنوبی کشمیر کے ضلع اسلام آباد کے علاقے سدورہ میں ایک ٹرین کی زد میں آکر ہلاک ہوگیا۔ایک اور بھارتی فوجی کالکی شرما ضلع کٹھوعہ کے علاقے مگر کھنڈ کے قریب نہر میں نہاتے ہوئے ڈوب کر ہلاک ہو گیا۔
ادھر شمالی کشمیر کے ضلع کپواڑہ کا رہائشی 22سالہ شہباز احمد جموں کے نواحی علاقے ڈومانہ میں ایک نہر میں نہاتے ہوئے ڈوب گیا ہے ۔
