اسلام آباد (نیوزڈیسک ) پاکستان تحریک انصاف کے سوشل میڈیا ایکٹیوسٹ شایان علی کے خلاف اسلام آباد کے تھانہ رمنا میں مقدمہ درج کر لیا گیا ۔ سوشل میڈیا ایکٹیوسٹ شایان علی پر جوڈیشل آفیسر کے خلاف سوشل میڈیا پر ہرزہ سرائی کا الزام ہے۔ شایان علی کے خلاف اسلام آباد کے تھانہ رمنا میں مقدمہ درج کر لیا گیا ہے اور مقدمے میں بغاوت اور دہشتگردی کی دفعات شامل ہیں۔ ایف آئی آر میں کہا گیا کہ ملزم نے لندن میں جوڈیشل آفیسر کی ویڈیوز بنائیں اور جوڈیشل آفیسر پر حملہ کرنے کی کوشش بھی کی۔