راولپنڈی (نیوز ڈیسک ) پاک فوج کی جانب سے کہا گیا ہے کہ کوئٹہ کے قریب ولی تنگی میں دہشت گردوں اور سکیورٹی فورسز کے مابین فائرنگ تبادلے میں 3 ملک دشمن واصل جہنم ہو گئے۔ نجی ٹی وی ایکسپریس نیوز کے مطابق پاک فوج کے شعبہ تعلقات عامہ آئی ایس پی آر کی جانب سے کہا گیا کہ گزشتہ روز دہشت گردوں کی جانب سے ولی تنگی کوئٹہ کے قریب فورسز پر حملہ کیا گیا۔ فائرنگ کے دوران صوبیدار قیصر رحیم نے جام شہادت نوش کیا جبکہ ایک سپاہی شدید زخمی ہوا، اس دوران 3 دہشت گرد مارے گئے۔ پاک فوج کی جانب سے اس عزم کا اظہار کیا گیا کہ سکیورٹی فورسز دہشت گردی کی لعنت کو ختم کرنے کیلئے پرعزم ہیں۔