اسلام آباد (نیوز ڈیسک )  اسلام آباد کی انسدادِ دہشت گردی کی عدالت نے بھارتی خفیہ ایجنسی ’را‘ کی سہولت کاری کے کیس میں معیز احمد اور مہران یوسف کا 7 روزہ جسمانی ریمانڈ منظور کر لیا۔ کے جج ابوالحسنات ذوالقرنین کی انسدادِ دہشت گردی کی عدالت نے بھارتی خفیہ ایجنسی ’را‘ کی سہولت کاری کے کیس کی سماعت کی۔ملزمان معیز احمد، مہران یوسف کو عدالت میں پیش کیا گیا۔ تفتیشی افسر کی جانب سے دونوں ملزمان کے مزید جسمانی ریمانڈ کی استدعا کی گئی۔ تفتیشی افسر نے عدالت کو بتایا کہ دونوں ملزمان ’را‘ کو معلومات فراہم کرنے میں ملوث تھے، فراہم کی گئی معلومات پر مزید تفتیش درکار ہے۔ ملزمان معیز احمد اور مہران یوسف نے کمرۂ عدالت میں اپنے وکیل سے ملاقات کی۔ واضح رہے کہ ملزمان معیز احمد اور مہران یوسف کے خلاف تھانہ سی ٹی ڈی میں مقدمہ درج کیا گیا تھا۔