کوئٹہ(نیوز ڈیسک ) اسپتال کے قریب دھماکہ، کچرا چُنتے 3 بچے زخمی، سیکیورٹی ہائی الرٹ ۔بلوچستان کے دارالحکومت کوئٹہ میں زرغون روڈ پر اکرم اسپتال کے قریب دھماکا ہوا جس میں 5 افراد کے زخمی ہونے کی اطلاعات ہیں۔ کوئٹہ پولیس کے مطابق دھماکے میں زخمی ہونے والوں میں 3 بچے، ایک پولیس اہلکار اور ایک راہگیر شامل ہے۔ دھماکے کی نوعیت کا تعین کیا جارہا ہے۔ ایس ایس پی آپریشن جواد طارق کے مطابق دھماکا خیز مواد کچرے میں رکھا گیا تھا، بچے کچرہ چُن رہے تھے کہ دھماکا ہوا۔ انہوں نے بتایا کہ سیکیورٹی لیپس نہیں، کچرہ کئی روز سے پڑا تھا۔ انہوں نے مزید کہا کہ عام انتخابات 2024 سے متعلق سیکیورٹی الرٹ ہے۔