ایشین کرکٹ کونسل کے صدر اور چیئرمین پاکستان کرکٹ بورڈ محسن نقوی نے بھارتی وزیراعظم نریندر مودی کو کرارا جواب دیتے ہوئے کہا ہے کہ جنگ کو کھیل سے جوڑنا مایوسی کی علامت ہے۔
سوشل میڈیا پر جاری پیغام میں محسن نقوی کا کہنا تھا کہ ایسا کرنا کھیل کی اصل روح کو مجروح کرتا ہے۔ جنگ تمہارے فخر کا پیمانہ ہے تو تمہیں ذلت آمیز شکست ہوئی۔
چیئرمین پی سی بی نے کہا کہ تاریخ تمہاری پاکستان کے ہاتھوں ذلت آمیز شکست محفوظ کر چکی ہے اور کسی کرکٹ میچ کی وجہ سے اس کی حقیقت تبدیل نہیں کی جا سکتی۔
واضح رہے بھارتی کرکٹ ٹیم نے ایشیا کپ جیتنے کے بعد اے سی سی کے سربراہ محسن نقوی سے ٹرافی لینے سے انکار کر دیا تھا ، بھارتی کرکٹ بورڈ نے ایشین کرکٹ کونسل کو باضابطہ طور پر ٹرافی نہ لینے کے بارے میں آگاہ کیا جس کے بعد ٹرافی میدان سے واپس منگوا لی گئی۔
