ممبئی(نیوز ڈیسک ) بھارتی رائٹر جاوید اختر نے پاکستان کی سرزمین میں ہی پاکستان مخالف بیان دے دیا جو سوشل میڈیا پر وائرل ہو رہا ہے۔
تفصیلات کے مطابق بھارتی لکھار ی اور شارت جاوید اختر گزشتہ دنوں پاکستان میں سجنے والے لاہور الحمرا آرٹس کونسل میں لیجنڈری اردو شاعر فیض احمد فیض کی یاد میں منعقد ہونے والے فیسٹیول میں شرکت کی ۔جہاں شاعر جاوید اختر نے فیسٹیول میں سیشن “جادو نامہ” کے دوران گفتگو کرتے ہوئے پاکستان مخالف بیان دیتے ہوئے کہا کہ” یہاں میں تکلف سے کام نہیں لوں گا ہم نے نصرت فتح علی خان اور مہدی حسن کے بڑے بڑے فنکشن کئے ہیں آپ کے ملک میں تو لتا منگھیشکر کا کوئی فنکشن نہیں ہوا۔ ہم ایک دوسرے کو الزام نہ دیں اس سے معاملہ نہیں سلجھے گا اہم بات یہ ہے کہ آج کل جو فضا اتنی گرم ہے وہ کم ہونی چاہیے”۔ساتھ ہی جاوید اختر نے طنزیہ انداز میں پاکستان کو ممبئی حملے کا ذمہ دار ٹھہراتے ہوئے کہا کہ “ہم تو ممبئی کے لوگ ہیں ہم نے دیکھا تھا کہ ہمارے شہر میں کیسے حملہ ہوا تھا وہ لوگ ناروے یا مصر سے تو نہیں آئے تھے وہ یہیں آپ کے ملک میں گھوم رہے ہیں تو اگر کسی ہندوستانی کے دل میں شکایت ہے تو آپ بُرا نہیں مانیں”۔
ہندوستان ٹائمز کے مطابق جب بھارتی میڈیا نے پاکستان سے روانگی کے بعد جاوید اختر کا انٹرویو کیا اور ان سے سوال کیا کہ “2008 کے ممبئی حملے کے حوالے سے کی گئی گفتگو پر سامعین کا کیا ردِعمل تھا تو انہوں نے کہا کہ پاکستانیوں نے ان کی بات سے اتفاق کیا ہے ۔
جاوید اختر نے بھارتی میڈیا کو بتایا کہ “26/11 کے ممبئی دہشت گرد حملوں کے بارے میں ان کا تبصرہ جو انہوں نے پاکستان میں فیسٹیول کے دوران کیا اسے سامعین نے بہت پسند کیا۔یہاں تک کہ انہوں نے تالیاں بجائیں اور میرے بیان سے اتفاق کیا”۔ یہی نہیں بلکہ جاوید اختر نے بھارتی میڈیا کو یہ بھی بتایا کہ “پاکستان آرمی، پاکستانی عوام، پاکستانی اسٹیبلشمنٹ ایک پیج پر نہیں ہیں”۔