اسلام آباد (نیوز ڈیسک ) شمالی بلوچستان میں فرنٹیئر کور (ایف سی ) کے کیمپ پر دہشتگردوں نے حملہ کردیا جس کے نتیجے میں آرمی کے دو جوان شہید ہوگئے۔ پاک فوج کے شعبہ تعلقات عامہ ( آئی ایس پی آر ) کے مطابق شمالی بلوچستان کے علاقے مسلم باغ میں ایف سی کیمپ میں سکیورٹی فورسز نے آپریشن کیا اس دوران دہشتگردوں سے فائرنگ کے تبادلے میں 2 جوان شہید اور 3 زخمی ہوگئے۔ آئی ایس پی آر کا بتانا ہے کہ جوابی کارروائی میں 2 دہشت گرد مارے گئے ہیں اور پاک فوج نے دہشتگردوں کوبلڈنگ کمپلیکس تک محدود کردیا۔ آئی ایس پی آر کے مطابق آپریشن ابھی جاری ہے، سکیورٹی فورسز نے دہشت گردوں کے گردگھیرا تنگ کردیا ہے،کور کمانڈر کوئٹہ آپریشن کی نگرانی کررہے ہیں۔