ڈیرہ غازی خان (نیوز ڈیسک ) سیکیورٹی فورسز کے قافلے پر خود کش حملے کے نتیجے میں 16 سے زائد شدید زخمی ہو گئے۔ نجی ٹی وی” ایکسپریس نیوز “کے مطابق خود کش حملہ چھکان کے قریب منزل کی جانب رواں دواں سیکیورٹی فورسز کے قافلے پر کیا گیا۔ اطلاع ملنے پر سیکیورٹی فورسز نے موقع پر پہنچ کر امدادی کارروائی شروع کی اور علاقے کی ناکہ بندی کر دی۔ بتایا گیا ہے کہ علاقے میں دہشت گردوں کی بیخ کنی کیلئے سرچ آپریشن شروع کر دیا گیا۔