لاہور (نیوز ڈیسک ) محکمہ اینٹی کرپشن نے فرح گوگی کے خلاف شراب خانوں سے رشوت لینے کی تحقیقات شروع کردی ہیں۔ ایکسپریس نیوز “کے مطابق فرح گوگی کو منتھلی دینے والے محکمہ ایکسائز کے ای ٹی اوز کے خلاف شواہد مل گئے، سابق ای ٹی او مسعودوڑائچ فرنٹ مینز کے ذریعے فرح گوگی کے لیے ماہانہ رقوم جمع کرتے تھے اور انہوں نے ایکسائز انسپکٹروں پر مشتمل نیٹ ورک بنایا ہوا تھا۔ ایکسائز انسپکٹرز ملی بھگت کرکے شراب خانوں کو کوٹے سے کئی گنا زائد الکوحل کی فروخت کی اجازت دیتے رہے، الکوحل کی کوٹہ سے زائد فروخت کے بدلے ونڈ شاپس سے بھاری رشوت لی جاتی رہی، لاہور کے نجی ہوٹلز کی ونڈ شاپس سے ہر ماہ بھاری رقوم اکٹھی کرکے مسعود وڑائچ کو پہنچائی جاتی رہی ہیں۔
خیال رہے کہ محکمہ اینٹی کرپشن نے فرح گوگی کے ذریعے پوسٹنگ حاصل کرنے والے5 بیوروکریٹس کےخلاف پہلے ہی مقدمہ درج کررکھا ہے، جس میں سابق وزیر اعلی پنجاب عثمان بزدار، فرح گوگی اور بشری بی بی کے بیٹے ابراہیم مانیکا بھی نامزد ہیں۔