پاکستان اور جنوبی افریقہ کے درمیان سیریز کے لئے میچ آفیشلز کا اعلان ہو گیا ہے۔

پی سی بی کے مطابق رنجن مدوگالے کو سیریز کیلئے میچ ریفری مقرر کیا گیا ہے۔ پہلے ٹیسٹ میچ کے لئے راڈنی ٹکر اور کرسٹوفر براؤن آن فیلڈ امپائرنگ کریں گے جو 12 سے 16 اکتوبر تک قذافی اسٹیڈیم لاہور میں کھیلا جائے گا۔

دوسر ے ٹیسٹ میچ میں کرسٹوفر براؤن اور سائقَت شرف الدولہ آن فیلڈ امپائرز ہوں گے، دوسرا ٹیسٹ راولپنڈی میں 20 سے 24 اکتوبر تک کھیلا جائے گا۔

پاکستان اور جنوبی افریقہ کے درمیان پہلے اور دوسرے ٹی ٹوئنٹی انٹرنیشنل میچ میں محمد آصف یعقوب اور راشد ریاض آن فیلڈ امپائرز ہوں گے جبکہ تیسرے ٹی ٹوئنٹی انٹرنیشنل میچ میں راشد ریاض اور فیصل خان آفریدی آن فیلڈ امپائرز کے فرائض انجام دیں گے۔

پہلے ون ڈے انٹرنیشنل میچ میں سائقَت شرف الدولہ اور آصف یعقوب آن فیلڈ امپائرنگ کریں گے، دوسرے ون ڈے انٹرنیشنل میچ میں ایلکس وارف اور احسن رضا آن فیلڈ امپائرزمقرر کئے گئے ہیں۔

دونوں ٹیموں کے درمیان تیسرے ون ڈے میچ میں سائقَت شرف الدولہ اور فیصل خان آفریدی آن فیلڈ امپائرز ہوں گے، تینوں ون ڈے انٹرنیشنل میچ فیصل آباد اقبال اسٹیڈیم میں کھیلے جائیں گے۔