ایشیز سیریز سے قبل ہی آسٹریلوی کرکٹ ٹیم کو بڑا دھچکا ، کپتان پیٹ کمنز پہلے ٹیسٹ سے باہر ہو گئے۔
کرکٹ آسٹریلیا کے مطابق کپتان پیٹ کمنز پہلے ایشیز ٹیسٹ کیلئے وقت پر فٹ نہیں ہوں گے، ایشیز سیریز کے پہلے ٹیسٹ میں اسٹیو اسمتھ ٹیم کی قیادت کریں گے، پیٹ کمنز نے رننگ کا آغاز کر دیا ہے، جلد باؤلنگ بھی شروع کرنے کی توقع ہے۔
کرکٹ آسٹریلیا کی جانب سے جاری بیان میں مزید کہا گیا ہے کہ پانچ ٹیسٹ میچز پر مشتمل ایشیز سیریز کا پہلا ٹیسٹ 21 نومبر سے پرتھ میں کھیلا جائے گا۔
سیریز کا دوسرا ٹیسٹ 4 دسمبر کو برسبن میں ، تیسرا ٹیسٹ 17 دسمبر کو ایڈیلیڈ، چوتھا ٹیسٹ 26 دسمبر کو میلبرن اور آخری ٹیسٹ میچ 4 جنوری کو سڈنی میں شیڈول ہے۔
