سابق آسٹریلوی فاسٹ باؤلر گلین میگرا کو ایشیز سیریز کے شروع ہونے سے صرف دو روز قبل کمنٹری پینل سے فارغ کر دیا گیا۔
آسٹریلوی میڈیا کے مطابق قومی براڈ کاسٹر ادارے نے گلین میگرا (glenn mcgrath) کوجوئے کی کمپنی کے ساتھ تعلق کی بنیاد پر پینل سے فارغ کیا گیا۔
آسٹریلوی میڈیا کا کہنا ہے کہ قومی براڈ کاسٹر ادارے کی پالیسی کے مطابق ملازم کا جوئے کی کمپنی کے ساتھ کوئی تعلق نہیں ہو سکتا۔ فاسٹ باؤلر کا میگرا فاؤنڈیشن کی سپورٹ کے لیے جوئے کی کمپنی سے تعلق ثابت ہوا۔
براڈ کاسٹر ادارے کا کہنا تھا کہ براڈ کاسٹر ادارے اور گلین میگرا نے باہمی طور پر راستے جدا کرنے کا فیصلہ کیا۔
واضح رہے کہ 2022 میں آسٹریلیا کے سابق فاسٹ باؤلر میچل جانسن بھی ادارے کی اسی پالیسی کا شکار ہو چکے ہیں۔
