پاکستان کی جانب سے بابر اعظم نے سب سے زیادہ انٹرنیشنل میچز میں کیچ پکڑنے والے کھلاڑیوں میں شاہد آفریدی کو پیچھے چھوڑ دیا ہے۔

سری لنکا کے خلاف کھیلے گئے سہ ملکی سیریز کے فائنل میں بابر اعظم نے کوشل مینڈس کا کیچ پکڑنے کے بعد یہ اعزاز حاصل کیا۔

سابق کپتان بابر اعظم babar azam نے تین کیچ پکڑے اس طرح انہوں نے 170 انٹرنیشنل کیچز تھامنے کا اعزاز حاصل کر لیا، شاہد آفریدی نے اپنے کیرئیر میں 167 کیچ پکڑے، اس طرح بابراعظم نے شاہد آفریدی کو پیچھے چھوڑ دیا۔

یونس خان سب سے زیادہ کیچز کے ساتھ پہلے نمبر پر ہیں انہوں نے اپنے کیرئیر میں 281 کیچ پکڑے، انضمام الحق دوسرے نمبر پر ہیں انہوں نے 194 کیچز تھامے اب بابراعظم 170 کیچز کے ساتھ تیسرے نمبر پر آ گئے ہیں اور شاہد آفریدی چوتھے نمبر پر چلے گئے ہیں۔

سری لنکا کے خلاف کھیلے گئے میچ میں بابراعظم نے تین کیچ پکڑ کر پاکستان کی جانب سے ٹی ٹوئنٹی میں سب سے زیادہ کیچ پکڑنے والے فیلڈر کا اعزاز بھی حاصل کر لیا ہے۔

ٹی ٹوئنٹی میں بابراعظم نے 60 کیچز کئے ہیں اور پہلے نمبر پر آ گئے ہیں، فخر زمان 57 کیچ تھامنے کے بعد دوسرے جبکہ شعیب ملک پچاس کیچز کے ساتھ تیسری پوزیشن پر ہیں۔