سٹاک ہوم(نیوز ڈیسک ) اپسالا یونیورسٹی سویڈن میں امن اور جنگ کی ریسرچ کے پروفیسر اشوک سوین نے کہا ہے کہ 2024کے انتخابات سے قبل خود کو ایک طاقتور شخصیت کے طورپر پیش کرنے کے لیے بھارتی وزیر اعظم نریندر مودی کی کینیڈا میں مافیا طرز کی کارروائی نے بھارت کومغرب کی نظروں میں ایک بدمعاش ریاست بنادیا ہے۔
کشمیر میڈیا سروس کے مطابق سویڈش سکالر نے ایکس پر ایک تازہ ٹویٹ میں کہا کہ 2024کے انتخابات سے قبل ایک مضبوط شخصیت کے طورپر پیش کرنے کے لیے کینیڈا میں مودی کی مافیا طرز کی کارروائی نے بھارت کو مغرب کی نظروں میں ایک بدمعاش ریاست بنا دیا ہے۔انہوں نے کہا کہ سکھ رہنما ہردیپ سنگھ نجر کے قتل نے جس کا الزام کینیڈا نے بھارتی خفیہ ایجنسیوں پر لگایا ہے، خالصتان تحریک کو پہلے سے زیادہ مشہور اور مقبول بنا دیا ہے۔
