ڈھاکہ (مانیٹرنگ ڈیسک )بنگلہ دیش کی عدالت نے کرپشن کے الزامات میں سابق وزیراعظم خالدہ ضیا کے بیٹے اور بہو کو قید کی سزائیں سنا دیں۔ بنگلہ دیش کے اخبار کے مطابق بنگلہ دیش نیشنلسٹ پارٹی کے قائم مقام چیئر مین اور خالدہ ضیا کے بیٹے طارق رحمن کو کرپشن کے الزام میں 9 سال جبکہ اس کی اہلیہ زبیدہ رحمن کو 3 سال قید کی سزا سنائی ۔دونوں کے خلاف 2007 میں اینٹی کرپشن کمیشن نے مقدمہ دائر کیا۔ پراسیکیوشن آفس کے مطابق طارق رحمن کو تین کروڑ ٹکا جبکہ زبیدہ رحمن کو 45 لاکھ ٹکا جرمانہ بھی کیا گیا ہے ، عدم ادائیگی کی صورت میں طارق رحمن کو مزید تین ماہ جبکہ زبیدہ رحمن کو مزید ایک ماہ قید کی سزا کاٹنا ہو گی۔