رائیونڈ: جاتی امراء میں نئے مہمان کی آمد کے موقع پر خوشی کا سماں ہے۔
سابق وزیراعظم میاں محمد نواز شریف پردادا بن گئے ہیں، ان کے پوتے زید حسین نواز کے ہاں بیٹے کی پیدائش ہوئی ہے۔
بچے کی پیدائش پر شریف خاندان میں خوشی کی لہر دوڑ گئی ہے اور جاتی امراء میں مبارکبادوں کا سلسلہ جاری ہے۔ زید حسین نواز ان دنوں اپنی فیملی کے ہمراہ لندن میں عارضی طور پر مقیم ہیں۔
وزیراعلیٰ پنجاب مریم نواز نے بھی زید حسین نواز کو بیٹے کی پیدائش پر مبارکباد دی ہے اور نیک تمناؤں کا اظہار کیا ہے۔
