مشرق وسطیٰ میں جنگی صورتحال کے باعث پاکستان سے مشرق وسطیٰ کی تمام پروازیں دوسرے روز بھی منسوخ کردی گئیں۔پروازیں منسوخ ہونے کے باعث ہزاروں مسافر پھنس گئے۔
تفصیلات کے مطابق یکم مارچ کو پاکستان سے مشرق وسطیٰ جانے والی 58 پروازیں منسوخ ہوگئیں،لاہور سے مشرق وسطی ٰجانے والی 13 پروازیں منسوخ ہوئیں۔
اسی طرح اسلام آباد سے جانے والی 23 پروازیں،کراچی سے جانے والی 18 پروازیں،فیصل آباد سے 4 پروازیں منسوخ ہوئیں۔
یاد رہے ایران پر حملوں کے بعد سے متحدہ عرب امارات، سعودی عرب ، قطر، بحرین، کویت نے فضائی حدود بند کر رکھی ہے۔
