ہفتہ‬‮   18   مئی‬‮   2024
 
 

بھارتی اداروں کی ناقص کارکردگی ، وزیر اعلیٰ پنجاب کی رہائش گاہ کے قریب سے بم برآمد

       
مناظر: 985 | 2 Jan 2023  

 

چنڈی گڑھ(نیوز ڈیسک ) بھارتی ریاست پنجاب کے وزیر اعلیٰ بھگونت مان کی چندی گڑھ میں واقع رہائش گاہ کے قریب سے ایک بم برآمد ہواہے۔
بم وزیراعلی کے ہیلی پیڈ کے قریب سے ملا ہے۔ چندی گڑھ کے ڈیزاسٹر مینجمنٹ کے نوڈل آفیسر سنجیو کوہلی نے میڈیا کو بتایا ہے کہ وزیر اعلیٰ بھگونت مان کی چندی گڑھ میں واقع رہائش گاہ کے قریب ایک بم برآمد ہو اہے جسے بم ڈسپوزل اسکواڈ نے موقع پر پہنچ کر بم کو ناکارہ بنا دیا۔ مزید تفتیش جاری ہے۔ اطلاعات کے مطابق ایک ٹیوب ویل آپریٹر نے ہیلی پیڈ اور وزیراعلی پنجاب کی رہائش گاہ کے قریب آم کے باغ میں بم دیکھا۔جس وقت ہیلی پیڈ کے قریب سے بم برآمد ہوا وزیر اعلیٰ گھر پر موجود نہیں تھے۔ ان کی رہائش گاہ جائے وقوعہ سے صرف ایک کلو میٹر کے فاصلے پر واقع ہے ۔