جمعرات‬‮   23   مئی‬‮   2024
 
 

بھارت :مغلوں کے نام و نشان کواکھاڑ کر پھینک دینا چاہئے : بی جے پی رہنما کی زہریلی تقریر

       
مناظر: 894 | 1 Feb 2023  

کولکتہ(نیوز ڈیسک ) بھارتی ریاست مغربی بنگال میں بی جے پی کے رہنما سویندو ادھیکاری نے کہاہے کہ مغلوں کے نام و نشان کواکھاڑ کر پھینک دینا چاہیے۔
سویندو ادھیکاری نے کولکتہ میںصحافیوں سے گفتگو کرتے ہوے کہا کہ مغلوںنے بہت سارے ہندوئوں کو قتل اور مندروں کو تباہ کیاہے۔ ان کے نام سے منسوب تمام جگہوں کی نشاندہی کرکے ان کے نام تبدیل کئے جانے چاہیے ۔ انہوں نے کہااگر بی جے پی مغربی بنگال میں اقتدار میں آگئی تو ہم ایک ہفتے کے اندر تمام برطانوی اور مغل ناموں کو تبدیل کردیں گے۔بھارت میںبی جے پی کی زیرقیادت مرکز اور ریاستی حکومتوں نے حالیہ برسوں میں خاص طور پر مغل حکومت اور بھارت کی مسلم تاریخ سے وابستہ بہت سے تاریخی مقامات اور عمارات کے نام تبدیل کردیے ہیں ۔حال ہی میں نئی دہلی میںراشٹرپتی بھون(صدارتی محل) کے مغل گارڈن کا نام تبدیل کرکے امرت ادیان رکھا گیا ہے۔