ممبئی (پیارا کشمیر نیوز ڈیسک ) بھارت میں مودی سرکار نے مسلمانوں پر زمین تنگ کر دی ، بھارت کے مزید 25 ہزار مسلمانوں کے گھر مسمار کرنے کی تیاری شروع کر دی گئی ہے ۔
ذرائع کے مطابق بھارتی ریاست مدھیہ پردیش کے شہر بھوپال کے علاقے عارف نگر نواب کالونی میں محکمہ ریلوے نے بغیر کسی نوٹس کے 25 ہزار مسلمانوں کے گھر گرانے کیلئے کارروائی شروع کر دی ، پولیس کی نگرانی میں مکانوں پر بلڈوزر چلائے جا رہے ہیں ۔
مقامی مسلمانوں کا کہنا ہے کہ اس جگہ پر دہائیوں سے آباد ہیں ، گھر خالی کرنے کا کبھی کوئی نوٹس نہیں آیا نہ اس سے متعلق کوئی خبر دی گئی ہے ،ہم سرد موسم میں بزرگوں اور بچوں کو لے کر کہان جائیں ، حکومت کو متبادل جگہ کا انتظام کرنا تھا ،کم از کم سرچھپانے کی جگہ تو دی جاتی ۔
خیال رہے کہ مودی سرکار نے رواں برس اکتوبر میں نئی دہلی میں مسلمانوں کے 25 ہزار گھر مسمار کئے تھے ۔