اسلام آباد (نیوز ڈیسک ) ایران کے اشتعال انگیزی پر پاکستان کے جوابی وار میں ہلاک ہونے والے دہشت گردوں کا ایک مختصر وائس نوٹ سامنے آیا ہے۔ ایرانی اشتعال انگیزی پر پاکستان نے ایران میں علیحدگی پسند گروپوں بلوچ لبریشن آرمی (بی ایل اے) اور بلوچ لبریشن فرنٹ (بی ایل ایف) کے تین ٹھکانوں میں نصف درجن سے زائد اہداف کو نشانہ بنایا۔
— Pyara Kashmir (@PyaraKashmir) January 18, 2024
بی ایل اے اور بی ایل ایف سے تعلق رکھنے والے متعدد سرمچار ہلاک ہوئے ہیں، سرمچاروں کی موت سے قبل سامنے آنے والے آخری وائس نوٹس سے بھارتیوں کے ملوث ہونے کا شبہ ظاہر ہوتا ہے، بھارت کے مذموم مقاصد کھل کر سامنے آرہے ہیں۔
سوشل میڈیا پر سرمچاروں سے منسوب سامنے آنے والے وائس نوٹ میں سُنا جاسکتا ہے کہ دہشت گرد اپنے ساتھی کو میسج میں کہتا ہے کہ پاکستان نے تباہی پھیر دی ہے، کیمپ پر حملہ ہوگیا ہے۔
وائس نوٹ میں بات کرنے والا شخص شنکر نامی شخص کا تذکرہ کرتے ہوئے کہتا ہے کہ ’شنکر سے بھی رابطہ نہیں ہورہا۔‘
دوسری جانب ایران کی سرکاری نیوز ایجنسی ارنا نے ایران میں حملوں کی تصدیق کرتے ہوئے کہا ہے کہ ان حملوں میں 7 افراد ہلاک ہوئے ہیں جو کہ ایرانی شہری نہیں ہیں۔
