احمد آباد(نیوز ڈیسک ) بھارتی ریاست گجرات کے ضلع گاندھی نگر میں ہندو تواغنڈوں نے ایک دلت دولھے کو گوڑے پر سوار ہونے کی پاداش میںسخت تشدد کا نشانہ بنایا۔
کشمیر میڈیاسروس یہ واقعہ پیر کے دن چداسنا نامی گاؤں میں اس وقت پیش آیا جب دلت دلہا وکاس چاوڑا برات کے جلوس میں گھوڑے پر سوار تھا ۔
دلہا تقریبا 100 براتیوں کے ساتھ گھوڑے پر دلہن کے گھر جارہا تھا کہ اس دوران ہندو توا غنڈوں نے انھیں روکا اور دلہے کو کھینچ کر گھوڑے سے نیچے اتار کر پیٹنا شروع کردیا۔انہوں نے دولھے کو سخت تشدد کا نشانہ بیایا ، اسے سخت درایا دھمکایااور گوڑا چھوڑنے پر مجبور کیا۔
ملزمان کی شناخت سیلیش ٹھاکر، جیش ٹھاکر، سمیر ٹھاکر اور اشوین ٹھاکر کے ناموں سے ہوئی ہے جنہیں بعد میں پولیس نے گرفتار کر لیا۔