حیدرآباد(نیوز ڈیسک ) ایک خاتون نے شہرحیدرآباد کے کوکٹ پلی ہاؤزنگ بورڈ کالونی علاقہ کی ایک عمارت کی چھٹی منزل سے چھلانگ لگا کرخودکشی کرلی۔ یہ واقعہ پیر اور منگل کی درمیانی شب پیش آیا۔ تفصیلات کے مطابق 23سالہ شراونی کی شادی 26سالہ سنتوش کمار کے ساتھ ہوئی تھی۔ یہ جوڑا، کوکٹ پلی ہاؤزنگ بورڈ کالونی کے ایک اپارٹمنٹ میں مقیم تھا۔ پیر کی شب خاتون نے عمارت سے چھلانگ لگادی۔ اس کے ارکان خاندان نے پولیس کو بتایا کہ وہ گھریلو اورصحت کے مسائل کی وجہ سے تناؤ کا شکار ہوگئی تھی جس کے سبب اس نے یہ انتہائی اقدام کیا۔
