مظفرآباد(نیوز ڈیسک )آزادجموں و کشمیر کابینہ کے دو وزرا کرنل وقار احمد نور اور فیصل ممتاز راٹھور نے اپنے عہدوں کا حلف اٹھا لیا۔ صدر آزادجموں و کشمیر بیرسٹر سلطان محمود چوہدری نے وزرا حکومت سے حلف لیا۔
وزرا کی تقریب حلف برداری میں وزیراعظم آزادجموں وکشمیر چوہدری انوار الحق سمیت ممبران اسمبلی نے بھی شرکت کی۔ کرنل وقار احمد نور آزادجموں وکشمیر کابینہ میں سینئر موسٹ وزیر ہونگے۔ یاد رہے کہ کرنل وقار احمد نور کا تعلق مسلم لیگ(ن) جبکہ فیصل ممتاز راٹھور کا تعلق پیپلزپارٹی سے ہے۔
