مظفرآباد(نیوز ڈیسک ) آزاد جموں و کشمیر سول سوسائٹی کا مقبوضہ کشمیر میں جی 20 ممالک کی کانفرنس کیخلاف احتجاجی مظاہرہ۔ تفصیلات کے مطابق سرینگر میں جی 20کانفرنس کیخلاف دارالحکومت مظفرآباد کے برہان وانی چوک میں سابق و زیراعظم فاروق حیدر ، زاہد آمین سمیت سول سوسائٹی کی کثیر تعداد نے احتجاجی مظاہرہ کیا جس میں مظاہرین نے ہاتھوں میں پلے کارڈ بینرز اٹھا رکھے تھے ۔ مظاہرے سے خطاب کرتے ہوئے سابق وزیر اعظم نے کہا کہ بھارتی حکمرانوں کے ہاتھ کشمیریوں کے خون سے رنگین ہیں۔ متنازعہ علاقے میں جی 20 ممالک کی کانفرنس بھارتی سازش ہے اس لیے جی 20 ممالک بالخصوص پاکستان کے دوست ممالک کو کانفرنس کا بائیکاٹ کرنا چاہئیے ۔ انہوںنے کہا کہ ہم جی 20 ممالک کی کانفرنس کے روز آزاد کشمیر میں بڑا احتجاج کرینگے۔