اسلام آباد (نیوز ڈیسک)وزیر خارجہ بلاول بھٹو زرداری نے گوا میں شنگھائی تعاون تنظیم کے موقع پر روسی وزیر خارجہ سرگئی لاروف سے ملاقات کی،دونوں وزرائے خارجہ نے باہمی دلچسپی کے دوطرفہ، علاقائی اور بین الاقوامی امور پر تبادلہ خیال کیا۔دونوں وزرائے خارجہ نے فوڈ سکیورٹی، توانائی اور عوام سے عوام کے رابطوں میں تعاون کو مزید گہرا کرنے کیلئے مل کر کام کرنے کا یقین دلایا، شنگھائی تعاون تنظیم نے روس کے ساتھ تعاون اور ہم آہنگی کے نئے راستے کھولے ہیں۔
