وزیراعلیٰ پنجاب مریم نواز نے لاہور کے علاقے نواب ٹاؤن میں سکوٹی سوار لڑکی سے دن دیہاڑے ہونے والی ڈکیتی کے واقعے کا سخت نوٹس لے لیا ہے۔
سوشل میڈیا پر وائرل ہونے والی ویڈیو، جس میں ایک لڑکی کو بیگ چھیننے کے دوران سڑک پر گھسیٹتے اور گرتے ہوئے دیکھا جا سکتا ہے، اس پر وزیراعلیٰ نے شدید برہمی کا اظہار کیا ہے۔
مریم نواز نے لاہور پولیس کو الٹی میٹم دیتے ہوئے حکم دیا ہے کہ ملزم کو ہر صورت 8 گھنٹے کے اندر گرفتار کیا جائے۔
انہوں نے واضح کیا کہ “بیٹیاں اور بہنیں ریڈ لائن ہیں” اور ان کے تحفظ کے عہد کو ہر قیمت پر نبھایا جائے گا۔
وزیراعلیٰ کا کہنا تھا کہ کسی بھی بیٹی کے ساتھ ایسا واقعہ پیش آنا نہ صرف تکلیف دہ ہے بلکہ معاشرے کے لیے افسوسناک بھی ہے، اور اس طرح کے جرائم ناقابلِ برداشت ہیں۔
