نمازِ جنازہ آج اسلام آباد میں ادا کی جائے گی
اسلام آباد: قومی کرکٹ ٹیم کے سابق فاسٹ بولر شعیب اختر کے بڑے بھائی شاہد اختر انتقال کر گئے، جس پر اہل خانہ، دوست احباب اور کرکٹ حلقوں میں گہرے دکھ اور افسوس کا اظہار کیا جا رہا ہے۔
شعیب اختر نے سوشل میڈیا پر اپنے بھائی کے انتقال کی خبر شیئر کرتے ہوئے غم کا اظہار کیا اور مرحوم کے لیے دعائے مغفرت کی اپیل کی۔ اپنے پیغام میں انہوں نے کہا کہ نہایت رنج و الم کے ساتھ یہ اطلاع دے رہے ہیں کہ ان کے بڑے بھائی شاہد اختر خالقِ حقیقی سے جا ملے ہیں۔
سابق فاسٹ بولر نے مداحوں اور خیر خواہوں سے درخواست کی کہ مرحوم کو اپنی دعاؤں میں یاد رکھیں اور اللہ تعالیٰ سے ان کے درجات کی بلندی اور مغفرت کے لیے دعا کریں۔
خاندانی ذرائع کے مطابق شاہد اختر کی نمازِ جنازہ آج اسلام آباد کے H-8 قبرستان میں ادا کی جائے گی۔ نمازِ جنازہ میں اہل خانہ، عزیز و اقارب، دوستوں اور مختلف شعبہ ہائے زندگی سے تعلق رکھنے والی شخصیات کی شرکت متوقع ہے۔
مزید پڑھیں: فیفا ورلڈ کپ: میسی نے ریٹائرمنٹ کے اعلان کے بعد شاندار کارکردگی سے تاریخ رقم کی
