WABetaInfo کی رپورٹ کے مطابق واٹس ایپ میں دو نئے فیچرز کی آزمائش بیٹا ورژن میں کی جا رہی ہے۔
ٹریکنگ پورٹل بنیادی طور پر ایک ایسا فیچر ہے جس کے ذریعے صارفین یہ جان سکیں گے کہ ان کے کون سے کانٹیکٹس اس وقت آن لائن ہیں۔
اس کے لیے ایک سبز رنگ کا ڈاٹ استعمال کیا جائے گا جو آن لائن صارف کے برابر یا اس کی پروفائل تصویر پر نظر آئے گا، جس سے ظاہر ہوگا کہ وہ شخص اس وقت واٹس ایپ استعمال کر رہا ہے۔
اس فیچر کے ذریعے صارفین کو کسی چیٹ کو کھولے بغیر ہی چیٹ انفو اسکرین پر کانٹیکٹس کی دستیابی کا علم ہو سکے گا، جہاں عام طور پر “آن لائن” اسٹیٹس دکھایا جاتا ہے۔
رپورٹ کے مطابق صارفین اپنی پرائیویسی سیٹنگز کے ذریعے اپنے آن لائن اسٹیٹس کو چھپا بھی سکیں گے۔ یہ گرین ڈاٹ انڈیکیٹر فیس بک اور انسٹاگرام کے آن لائن اسٹیٹس فیچر سے مشابہ ہے۔
دوسری جانب واٹس ایپ میں بیک اپ مینجمنٹ سیکشن پر بھی کام جاری ہے۔
یہ نیا فیچر صارفین کو پرانے بیک اپس دیکھنے، انہیں ڈیلیٹ کرنے اور ڈپلیکیٹ بنانے میں مدد دے گا، جس سے ڈیوائس میں اسٹوریج کی جگہ بہتر طریقے سے منظم کی جا سکے گی۔
رپورٹ کے مطابق یہ فیچر ابھی ابتدائی مرحلے میں ہے اور فی الحال بیٹا صارفین کے لیے بھی دستیاب نہیں۔
