کراچی: منشیات ڈیلر انمول عرف پنکی کی سہولت کاری سے متعلق بوٹ بیسن تھانے کے مقدمے میں پولیس نے ایک ملزمہ کی گرفتاری ظاہر کر دی ہے۔
جوڈیشل مجسٹریٹ جنوبی کی عدالت میں کیس کی سماعت ہوئی، جہاں پولیس نے دو ملزمان عاقب اور غلام مصطفیٰ کو عدالت میں پیش کیا۔
عدالت نے گارڈن اور بوٹ بیسن تھانوں میں درج مقدمات کے تحت دونوں ملزمان کو عدالتی ریمانڈ پر جیل بھیجنے کا حکم دے دیا۔
واضح رہے کہ 20 جون کو جوڈیشل مجسٹریٹ جنوبی کی عدالت نے منشیات ڈیلر انمول عرف پنکی کے خلاف دو مقدمات کا حتمی چالان عاشورہ محرم کے بعد جمع کرانے کی ہدایت کی تھی۔
اس سے قبل عدالت میں ان مقدمات کی سماعت کے دوران گارڈن پولیس حتمی چالان پیش کرنے میں ناکام رہی تھی۔
عدالت نے انمول عرف پنکی اور دیگر ملزمان کے خلاف منشیات کیس میں شریک ملزمان کے نام خارج کرنے اور کال ریکارڈ سے متعلق درخواستوں پر فیصلہ محفوظ کر رکھا ہے۔
