ٹرمپ کو ترکیہ سے خفیہ طیارے میں منتقل کرنے کی اصل وجہ سامنے آگئی

ٹرمپ نے گزشتہ ماہ ترکیہ میں نیٹو اجلاس میں شرکت کے بعد واپسی کے دوران اچانک نئے قطری طیارے کے بجائے پرانے ایئر فورس ون کے استعمال کا اعلان کیا تھا۔ اس وقت وائٹ ہاؤس کی جانب سے طیارہ تبدیل کرنے کی اصل وجہ سامنے نہیں لائی گئی تھی۔

بعد میں سامنے آنے والی رپورٹس کے مطابق ٹرمپ کو انقرہ کے ہوائی اڈے پر بظاہر ایئر فورس ون میں سوار ہوتے دکھایا گیا، لیکن بعد میں انہیں انتہائی خفیہ انداز میں ایک چھوٹے فوجی طیارے میں منتقل کر دیا گیا۔ اس کارروائی کا مقصد صدر کی اصل نقل و حرکت کو چھپانا اور ممکنہ حملہ آوروں کو گمراہ کرنا تھا۔

یہ واقعہ اس وقت مزید اہمیت اختیار کر گیا ہے جب حالیہ ہفتوں میں ٹرمپ کی بیرون ملک نقل و حرکت اور صدارتی طیارے کی سکیورٹی سے متعلق کئی سوالات سامنے آئے ہیں۔

امریکی حکام نے اس واقعے کے حوالے سے تمام تفصیلات منظر عام پر نہیں لائیں، تاہم ذرائع کا کہنا ہے کہ صدر کی نقل و حرکت کو خفیہ رکھنے کا فیصلہ ممکنہ میزائل خطرے سے نمٹنے کے لیے کیا گیا تھا۔