جمعرات‬‮   25   جولائی   2024
 
 

مودی کی ہندوتواحکومت نے مقبوضہ کشمیرمیں مظالم کی تمام حدیں پار کردیں : رپورٹ

       
مناظر: 692 | 14 Feb 2024  

 

سرینگر(نیوز ڈیسک ) غیر قانونی طور پر بھارت کے زیر قبضہ جموں و کشمیرمیں مودی کی ہندوتوا حکومت اور اس کی قابض انتظامیہ نے نہتے کشمیریوں پروحشیانہ مظالم اور ریاستی دہشت گردی کی تمام حدیں پار کر دی ہیں۔
کشمیر میڈیا سروس کے ریسرچ سیکشن کی جانب سے آج جاری کی گئی ایک تجزیاتی رپورٹ میں کہا گیا ہے کہ بھارتی فورسز اور بدنام زمانہ تحقیقاتی اداروں کے اہلکا روں کی طرف سے کشمیریوں پر مظالم، جبری گرفتاریاں، محاصرے اور تلاشی کی کارروائیاں، گھروں پر چھاپے، املاک کی ضبطی اور ملازمین کو جبری برطرفیوں سمیت انسانی حقوق کی سنگین خلاف ورزیاں جاری ہیں ۔بھارتی فوجیوں اور تحقیقاتی اداروں کے مظالم کی وجہ سے مقبوضہ علاقے میں خوف ودہشت کا ماحول قائم ہے اور کشمیریوں کو درپیش مشکلات میں کئی گنا اضافہ ہو گیا ہے جنہیں پہلے ہی نریندر مودی کی حکومت کی طرف سے اگست2019میں مقبوضہ علاقے کی خصوصی حیثیت کی منسوخی کی وجہ سے شدید مصائب کا سامنا ہے ۔رپورٹ میں واضح کیاگیا ہے کہ
بھارتی فوجیوں نے 2015میں نریندر مودی کے برسراقتدار آنے کے بعد سے اب تک مقبوضہ علاقے میں 2ہزار152کشمیریوں کو شہید کیا ہے میں سے 305کو حراست کے دوران یا جعلی مقابلوں میں ماورائے عدالت قتل کیاگیا ہے ۔رپورٹ میں گزشتہ سال دسمبر میں پونچھ کے علاقے سرنکوٹ میں بھارتی فوج کی حراست میں 3بے گناہ کشمیریوں کے قتل کا حوالہ دیتے ہوئے کہاگیا ہے کہ بھارت مقبوضہ علاقے میں کشمیریوں کو خوف و دہشت کا نشانہ بنانے کیلئے اپنی وحشیانہ کارروائیاں جاری رکھے ہوئے ہے۔رپورٹ میں مقبوضہ کشمیرکی تیزی سے بگڑتی ہوئی سیاسی اور انسانی حقوق کی صورتحال کے دوران بھارتی فورسز کے اہلکاروں کی طرف سے کشمیریوں کے قتل عام ، جبری گرفتاریاں اور خواتین کی عصمت دری کے واقعات جنگی جرائم قراردیاگیا ہے ۔

مقبوضہ کشمیر میں بھارت کی انسانیت دشمنی کی تفصیل
From Jan 1989 till 29 Feb 2024
Total Killings 96,290
Custodial killings 7,327
Civilian arrested 169,429
Structures Arsoned/Destroyed 110,510
Women Widowed 22,973
Children Orphaned 1,07,955
Women gang-raped / Molested 11,263

Feb 2024
Total Killings 0
Custodial killings 0
Civilian arrested 317
Structures Arsoned/Destroyed 0
Women Widowed 0
Children Orphaned 0
Women gang-raped / Molested 0