امریکہ مسئلہ کشمیر کے حل کیلئے کردار ادا کرے، صدر آزاد کشمیر بیرسٹر سلطان محمود چوہدری

مظفرآباد (نیوز ڈیسک ) آزاد جموں و کشمیر کے صدر بیرسٹر سلطان محمود چوہدری نے امریکہ پر زور دیا ہے کہ وہ اقوام متحدہ کی سلامتی کونسل کی قراردادوں کے مطابق تنازعہ کشمیر کے پرامن حل کے لیے اپنا کردار ادا کرے۔
آزاد جموں و کشمیر کے صدر نے امریکی سفارتخانے کے پولیٹیکل قونصلر بریڈلی پارکر سے گفتگو کرتے ہوئے کہا کہ مقبوضہ جموںوکشمیر میں انسانی حقوق کی ابتر صورتحال کی بنیادی وجہ مسئلہ کشمیر کا اب تک حل نہ ہونا ہے ۔
انہوں نے کہا کہ نریندر مودی کی زیرقیادت فسطائی بھارتی حکومت کی جانب سے اگست 2019 میں مقبوضہ جموں و کشمیر کی خصوصی حیثیت کو منسوخ کرنے کے بعد مقبوضہ علاقے میں انسانی حقوق کی صورتحال مزید بگڑ گئی ہے۔ انہوں نے کہا کہ مودی حکومت کے یکطرفہ اقدامات اقوام متحدہ کی قراردادوں کی خلاف ورزی ہیں۔
بیرسٹر سلطان نے بائیڈن انتظامیہ کی توجہ مقبوضہ علاقے کی بگڑتی ہوئی صورتحال کی طرف مبذول کراتے ہوئے کہا کہ اب وقت آگیا ہے کہ دنیا خاص طور پر امریکہ اس تنازعہ کے حل کے لیے اپنا بھرپور کردار ادا کرے. بریڈلی پارکر نے آج (جمعہ) مظفر آباد میں صدر آزاد کشمیر سے انکے دفتر میں ملاقات کی۔

From Jan 1989 till 29 Feb 2024
Total Killings	96,290
Custodial killings	7,327
Civilian arrested	169,429
Structures Arsoned/Destroyed	110,510
Women Widowed	22,973
Children Orphaned	1,07,955
Women gang-raped / Molested	11,263

Feb 2024
Total Killings	0
Custodial killings	0
Civilian arrested	317
Structures Arsoned/Destroyed	0
Women Widowed	0
Children Orphaned	0
Women gang-raped / Molested	0