لاہور ہائیکورٹ نے وزیر اعلیٰ پنجاب مریم نواز کی درخواست منظور کرتے ہوئے ان کو 7 کروڑ روپے واپس کرنے کی ہدایت کر دی۔
چیف جسٹس مس عالیہ نیلم کی سربراہی میں تین رکنی بینچ نے وزیر اعلیٰ پنجاب مریم نواز کی 7کروڑ روپے واپس لینے کے لیے دائر درخواست پر سماعت کی۔
نیب کے وکیل نے آئینی عدالت سے درخواست واپس لینے سے متعلق بیان حلفی جمع کروا دیا۔
مریم نواز کی جانب سے وکیل جاوید ارشد بھٹی ایڈووکیٹ پیش ہوئے جبکہ اسسٹنٹ ڈپٹی اٹارنی جنرل رفاقت ڈوگر اور پراسکیوٹر فاطمہ شاہد بھی پیش ہوئے۔
عدالت میں موقف دیا گیا کہ چوہدری شوگر مل میں 7 کروڑ روپے بطور گارنٹی جمع کروائے، نیب نے شوگر مل کیس ختم کر دیا لہٰذا عدالت ہائیکورٹ میں جمع ہونے والے 7 کروڑ روپے واپس کرنے کا حکم دے۔
