ضابطہ اخلاق کی خلاف ورزی، گل فیروزہ کو باضابطہ وارننگ
پاکستان ویمنز کرکٹ ٹیم کی اوپنر گل فیروزہ کو ویمنز ٹی20 ورلڈ کپ میں آسٹریلیا کے خلاف میچ کے دوران ضابطہ اخلاق کی خلاف ورزی پر باضابطہ وارننگ جاری کر دی گئی۔
گل فیروزہ کو لیول ون کوڈ آف کنڈکٹ کی خلاف ورزی کا مرتکب قرار دیا گیا۔
میچ کے دوران پاکستانی اننگز کے دوسرے اوور میں آؤٹ ہونے کے بعد گل فیروزہ نے مایوسی اور برہمی کا اظہار کرتے ہوئے ٹیم ڈگ آؤٹ کے قریب اپنا بیٹ اور دستانے غصے میں پھینک دیے۔
میدان میں موجود میچ آفیشلز نے اس رویے کو کھیل کے ضابطہ اخلاق کے منافی قرار دیتے ہوئے ان کے خلاف کارروائی کی، جس کے نتیجے میں انہیں باضابطہ وارننگ جاری کی گئی۔
مزید پڑھیں: لندن میں قومی ہاکی ٹیم کے اعزاز میں تقریب، کھلاڑیوں کی خدمات کو سراہا گیا
