کراچی میں آج بھی معمول سے تیز ہوائیں چلنے کا امکان ہے، جن کی رفتار 45 سے 50 کلومیٹر فی گھنٹہ تک پہنچ سکتی ہے۔
محکمہ موسمیات کے ارلی وارننگ سینٹر کے مطابق تیز سمندری ہواؤں کے باعث شہر کا موسم نسبتاً معتدل رہنے کی توقع ہے۔ سمندری ہواؤں کا سلسلہ برقرار رہنے کے سبب زیادہ سے زیادہ درجہ حرارت 34 سے 36 ڈگری سینٹی گریڈ کے درمیان رہ سکتا ہے۔
پیش گوئی کے مطابق جمعے کے روز کراچی میں موسم گرم اور مرطوب رہنے کے ساتھ جزوی طور پر ابر آلود رہے گا، جبکہ شہر کے بعض علاقوں میں ہلکی بوندا باندی یا پھوار پڑنے کا امکان بھی ہے۔
دوسری جانب سندھ کے بیشتر اضلاع میں موسم گرم اور خشک رہنے کی توقع ہے، تاہم جیکب آباد، کشمور، قمبر شہدادکوٹ، لاڑکانہ اور دادو میں چند مقامات پر گرد آلود ہوائیں چلنے، آندھی آنے اور گرج چمک کے ساتھ ہلکی بارش یا بوندا باندی کا امکان ظاہر کیا گیا ہے
مزید پڑھیں: عالمی منڈی میں پیٹرول کی قیمت زمین بوس؛ جنگ سے پہلی والی سطح پر آگئی
