اسلام آباد ۔نمائندہ خصوصی

امن دشمنوں کے خلاف سکیورٹی فورسز کی کارروائیاں جاری ہیں۔جنوبی وزیرستان کے علاقے سراروغہ میں خفیہ اطلاع پر آپریشن کے دوران بھارتی حمایت یافتہ 11 خوارج ہلاک جبکہ 7 زخمی ہو گئے۔ آئی ایس پی آر کے مطابق دفاع وطن کا فریضہ انجام دیتے ہوئے 2 بہادر سپوت وطن پر قربان ہو گئے۔شہداء میں میجر سید معیز عباس شاہ اور لانس نائیک جبران اللہ شامل ہیں۔ میجر سید معیز عباس شاہ شہید کا تعلق ضلع چکوال سے ہے ۔میجر سید معیز عباس شاہ شہید نے 14 سال دفاع وطن کا مقدس فریضہ سر انجام دیا۔2019 میں ابھی نند ن کو بھی میجر معیز نے گرفتار کیا تھا ۔ شہید کے سوگواران میں اہلیہ اور 2 بیٹے شامل ہیں۔ آئی ایس پی آر کے مطابق 26 سالہ لانس نائیک جبران اللہ شہید کا تعلق ضلع بنوں سے ہے۔لانس نائیک جبران اللہ شہید نے 8 سال تک وطن عزیر کے دفاع کے فرائض سرانجام دیئے۔