اسلام آباد: ڈسٹرکٹ اینڈ سیشن کورٹ نے وزیراعلیٰ خیبرپختونخوا سہیل آفریدی کو گرفتار کرکے عدالت میں پیش کرنے کا حکم جاری کر دیا۔
سینئر سول جج عباس شاہ کی عدالت میں سہیل آفریدی کے خلاف ریاستی اداروں پر مبینہ گمراہ کن الزامات لگانے اور ان کی ساکھ کو نقصان پہنچانے سے متعلق مقدمے کی سماعت ہوئی۔
سماعت کے دوران عدالت نے ملزم کی مسلسل عدم حاضری پر جاری ناقابلِ ضمانت وارنٹ گرفتاری برقرار رکھتے ہوئے متعلقہ حکام کو ہدایت کی کہ انہیں گرفتار کرکے عدالت میں پیش کیا جائے۔
عدالت نے کیس کی مزید سماعت جولائی تک ملتوی کر دی۔
یاد رہے کہ سہیل آفریدی کے خلاف نیشنل سائبر کرائم انویسٹی گیشن ایجنسی (این سی سی آئی اے) نے پیکا ایکٹ کے تحت مقدمہ درج کر رکھا ہے۔
مزید پڑھیں: جموں و کشمیر میں امن خراب کرنے کی مبینہ کوشش، کالعدم جوائنٹ ایکشن کمیٹی زیرِ بحث
