پاکستان تحریک انصاف (پی ٹی آئی) کے قید رہنماؤں نے آزاد جموں و کشمیر انتخابات کے حوالے سے پارٹی چیئرمین اور سیکریٹری جنرل کو جیل سے خط ارسال کر دیا۔
ذرائع کے مطابق یاسمین راشد، شاہ محمود قریشی اور دیگر اسیر رہنماؤں نے خط میں پارٹی قیادت پر زور دیا ہے کہ آزاد جموں و کشمیر کے انتخابات میں بطور جماعت بھرپور انداز میں حصہ لیا جائے۔
خط میں کہا گیا ہے کہ آزاد جموں و کشمیر سپریم کورٹ کے فیصلے کے باوجود پارٹی کو انتخابی عمل سے دور نہیں رہنا چاہیے۔ اسیر رہنماؤں کے مطابق انہوں نے انتخابات سے متعلق باہمی مشاورت کے بعد یہ متفقہ رائے قائم کی ہے۔
خط میں مزید کہا گیا ہے کہ پی ٹی آئی کے حمایت یافتہ امیدواروں کو انتخابی میدان میں اتارا جائے اور پارٹی باقاعدہ طور پر ان تمام امیدواروں کی فہرست جاری کرے جنہیں اس کی حمایت حاصل ہوگی۔
پی ٹی آئی ذرائع کے مطابق قید رہنماؤں کا یہ پیغام اور تحریری خط ان کے وکیل کے ذریعے پارٹی قیادت تک پہنچایا گیا ہے۔
مزید پڑھیں: لاہور؛ زیرِ تعمیر عمارت کا حصہ گر گیا، 8 سالہ بچہ زندگی کی بازی ہار گیا
