دبئی: انٹرنیشنل کرکٹ کونسل (آئی سی سی) نے کھلاڑیوں کی نئی ٹی 20 رینکنگ جاری کر دی۔ پاکستانی کھلاڑی صائم ایوب کی پہلی پوزیشن چھن گئی۔
آئی سی سی کی جاری کردہ ٹی 20 آل راؤنڈرز کی فہرست میں زمبابوے کے سکندر رضا نمبر ون پوزیشن پر براجمان ہو گئے۔ اور انہوں نے پاکستان کے صائم ایوب سے پہلی پوزیشن چھین لی۔ جبکہ صائم ایوب تنزلی کے بعد دوسرے نمبر پر چلے گئے ہیں۔
بیٹرز کی رینکنگ میں پاکستان کے صاحبزادہ فرحان نے شاندار ترقی کرتے ہوئے دو درجے بہتری کے بعد تیسری پوزیشن حاصل کر لی۔ جبکہ جنوبی افریقا کے ڈیوالڈ بریوس نے بھی 10 درجے ترقی پا کر ٹاپ 10 میں جگہ بنا لی ہے۔
باؤلرز کی درجہ بندی میں پاکستان کے ابرار احمد کی رینکنگ متاثر ہوئی۔ اور وہ دوسرے سے پانچویں نمبر پر چلے گئے۔ جبکہ جنوبی افریقا کے کوربن بوش نے 21 درجے کی لمبی چھلانگ لگا کر تیسری پوزیشن حاصل کر لی۔
