علیمہ خان بانی پی ٹی آئی عمران خان سے ملاقات کے دن اڈیالہ جیل نہ آنے پر پارٹی رہنماؤں پر برہم ہو گئیں۔
علیمہ خان نے کہا کہ پارٹی کے ارکان اسمبلی اڈیالہ جیل کیوں نہیں آئے؟ جو لوگ اسمبلیوں میں بانی پی ٹی آئی کے ووٹ سے بیٹھے ہیں، کیا انہیں یہاں نہیں ہونا چاہیے تھا؟
ان کا مزید کہنا تھا کہ جو لوگ اڈیالہ جیل نہیں آ سکتے انہیں عہدے اور سیٹیں چھوڑ دینی چاہئیں۔ جن لوگوں نے بانی پی ٹی آئی کے نام پر ووٹ لیے انہیں تھوڑی سی شرم کرنی چاہیے۔
